Fabrika prodhon oksigjen dhe azot në gjendje të gaztë dhe të lëngët. Oksigjeni në gjendje të gaztë përdoret në prodhimin e çelikut gjatë shkrirjes së tij ndërsa azoti është gazi shoqërues gjatë prodhimit të oksigjenit. 

Oksigjeni prodhohet në impiantet kriogjenike, të cilat janë instaluar në ish-Kombinatin Metalurgjik të Elbasanit. Secili prej impianteve ka një kapacitet 3200m3n/h oksigjen në gjendje të gaztë. Pastërtia e oksigjenit të prodhuar arrin deri në 99.95%. Pjesa më e madhe e oksigjenit (97 %) mbështet nevojat e Uzinës  së Çelikut. Gjithashtu, fabrika furnizon ndërmarrje dhe institucione të tjera në Shqipëri me produktet e saj.